Pridie Nonas Martii

Paloma nos manda esta vista da ría case despexada. Canto había que non lle viamos a cor ao ceo!

5 de marzo de 2015 19.56h.

Visita ao Aquarium, Torre de Hércules e Planetario

O pasado xoves 26 de xaneiro foi un día moi intenso pero que pagou a pena. Xuntámonos todos os do grupo e fixemos a esperada visita á Torre de Hércules e aos Museos Coruñeses. 

A nosa primeira parada foi no Aquarium onde puidemos ver un documental moi interesante titulado Frozen, nel falábase do quentamento global e o desxeo dos casquetes polares. Interesantísimo!

Pero, xa que estabamos alí, puidemos pasar un bo rato observando peixes e mirando o resto do museo.

E mesmo aprendimos que non só os antigos navegantes se orientaban mediante os astros, moitas aves migratorias tamén fan bo uso do sol e as estrelas para este fin.

 A continuación fomos á Torre de Hércules onde nos tiñan preparada unha visita guiada sobre a edificación, o funcionamento dos faros e o xacemento arqueolóxico.

 Puidemos disfrutar das magníficas vistas e retratarnos para a posteridade.

De tarde tivemos unha sesión no Planetario onde puidemos ver unha interesante proxección sobre a historia da astronomía e unha simulación do ceo desa mesma noite coa observación das diferentes constelacións de inverno e os planetas Venus, Marte e Saturno. Ademáis aprendéronnos trucos para memorizar as constelacións e situarnos facilmente no firmamento.

Despois aproveitamos para argallar nos diferentes experimentos que se propoñen na Casa das Ciencias.

E ata aquí chegou o noso intensivo día científico coa astronomía coma eixe central. Vémonos!

Solpor na ría

Lucía tomo esta pintoresca vista das bateas no solpor.

26 de xaneiro de 2015, 18.35

Horizonte dourado.

Laura capturou este fermoso horizonte invernal.

17 de febreiro de 2015, 18.59h.

Solpor anubrado

María fixo esta espectacular foto do solpor tras as nubes.

3 de febreiro de 2015 18.50