1. O
eclipse total de Lúa o día 4 só se pode ver pola noite dende Australia, Asía,
Pacífico e América.
2. OS
PLANETAS:
Mercurio: A finais
do mes (despois do 20), e comezos de Maio podemos velo á noitiña polo Oeste-Noroeste.
O día 22 é o que brillará máis.
Venus: Vese alto nas dúas horas despois do luscofusco polo
oeste-noroeste. É o astro que máis brillará no ceo.
Constelación de Aries na primera semana e en Tauro no resto do mes.
Marte: Verase tamén á tardiña no oeste-noroeste entre as
outras estrelas do crepúsculo, pero máis baixo que Venus. Ao longo do mes sairá
antes, e estará visible case á vez que Venus.
Constelación de Aries. O día 21 taparao a lúa. O día 22 estará á esquerda de
Mercurio no seu maior brillo.
Xúpiter: É visible case toda a noite na Constelación de
Cáncer. Aparecerá polo leste co comezo da noite e agacharase unha hora antes da
mañanciña. Tamén se ve a ocultación e os eclipses parciais e totais entre as
súas lúas.
Saturno: Verase tres horas despois de anoitecer polo
leste-sueste e quedará toda a noite mirando ao sur na constelación de
Escorpión. Asegún anda o mes de abril, irá saíndo antes.
Urano: Só vai ser algo observable no amencer despois do día
20. É difícil velo porque se atopa na súa orbita máis afastada do Sol.
Neptuno: Será visible na última semana do mes moi baixo no
horizonte sur-leste ao mencer. O día 15 estará a 3.20º sur da Lúa.
Plutón: O día 15 sitúase a 15.1º sur da Lúa.
3. OUTROS
ASTROS
Ceres será visible na constelación de Capricornio ao mencer. Ao longo
do mes, este planeta enano irá andando cara o leste. O día 1 sae unha hora
despois da medianoite, e despois irá saíndo antes ata que no día 30 sairá unha
hora antes da medianoite.
O asteroide Vesta también é visible de madrugada este mes de abril.
Está na constelación de Acuario, e
pasará cerca de Neptuno o 17. Para o día 30, sairá 2 horas 30 minutos tras a
medianoite.
4. EFEMÉRIDES
ASTRONÓMICAS
Mércores 1 – Lúa en apoxeo.
Sábado 4 – Lúa chea / Eclipse total de Lúa
Domingo 5 - Conxunción aparente da Lúa e a
estrela Spica(Alfa Virginis)
Luns 6 - Urano en conxunción na constelación de
Piscis.
Mércores 8 - Conxunción aparente de Saturno
e a Lúa.
Sábado 11 - Conxunción aparente de Plutón e a Lúa.
Domingo 12 - Lúa en cuarto menguante na constelación
de Saxitario.
Mércores 15 - Conxunción aparente de Neptuno e a
Lúa na constelación de Acuario.
Venres 17 – Lúa no perixeo, a 361.026 kilómetros
do noso planeta, no punto da súa órbita máis achegado á Terra.
Sábado 18 – Lúa nova na constelación de Piscis.
Domingo 19 - Conxunción aparente de Marte e a Lúa
na constelación de Aries.
Martes 21 - Conxunción aparente da Lúa e a
estrela Aldebarán na constelación de Tauro.
Mércores 22 - Pico da chuvia de meteoros das
Líridas (006 LYR)
Xoves 23 - Pico da chevia de meteoros das Pi
Púppidas (PPU)
Sábado 25 – Lúa no cuarto crecente na
constelación de Cáncer.
Domingo 26 - Conxunción aparente de Xúpiter e a
Lúa na constelación de Cáncer.
Martes 28 - Conxunción aparente da Lúa e a
estrela Regulus (Alfa Leonis) na constelación de Leo.
Mércores 29 – Lúa no apoxeo.
5. LIGAZÓNS
http://www.elcielodelmes.com/observacion_mensual/observar_4n.php
http://www.astronomiaonline.com/2015/03/el-cielo-del-mes-abril-2015/