Na procura dos reloxos de sol

De forma case casual, descubrimos que en Bueu hai (ou había) unha gran cantidade de reloxos de sol. Fixádevos no seguinte inventario para a provincia de Pontevedra tomado desta ligazón. É bastante sorprendente, non vos parece?

Así que os nosos pequenos astrónomos foron á procura deles:


RELOXO Nº 1 (Sandra e Natalia)

Situación: A Carrasqueira, 27B (Pazo de Santa Cruz)

Orientación do reloxo: sur - sureste


Antigamente, este hórreo co reloxo de sol estaba situado preto da praza de Abastos de Bueu. Foi comprado polos donos do pazo de Santa Cruz cando foi reconstruído o pazo. Co cambio de lugar do hórreo, perden dúas patas que actualmente só ten seis. O reloxo de sol ten unha característica pouco habitual, xa que se pode ver por tres lados diferentes.

RELOXO Nº 2 (Cristian e Eugenia)

Situación: Soutelo, 15

Orientación do reloxo: suroeste

O reloxo está colocado nun hórreo de pedra.  O hórreo pertence á familia Martínex Castro. Descoñécese cando se colocou o reloxo, pois cando a familia propietaria mercou a casa, xa estaba posto. Podería ter case cen anos ou máis. O hórreo non ten ningunha inscrición visible nin escudo.

RELOXO Nº 3 (Andrea e Sara)

Antiga situación do reloxo: casa ao lado da cafetería Xardín (Montero Ríos)

O reloxo estaba situado nun hórreo. O hórreo no que estaba o reloxo foi trasladado a unha finca dos propietarios en Cangas.


RELOXO Nº 4 (Salvador e Giusseppe)

Situación: Casa Videira

O reloxo está colocado nun hórreo. O hórreo está practicamente na entrada do lugar. O reloxo non ten agulla. Descoñécese a data de construción do hórreo e do reloxo.

RELOXO Nº5
O noso experto en reloxos solares, César, de Astrovigo, descubriunos, no pasado taller de reloxos solares, este interesante reloxo cilíndrico  situado no porto de Bueu. Saberá a xente que se trata dun reloxo de sol? (imaxe tomada de Astrovigo)



RELOXO Nº 6 (Alexandra, Noa e Mireya)

Situación: A Roza, nº 54

Orientación do reloxo: norte.

O reloxo está colocado no chan. Colocouse en 1924. O reloxo ten un cabalo.


RELOXO Nº 7 (Alexandra, Noa e Mireya)